4 x 11 Jahr Fassenacht;

des hätt 2022 uns erwart´

es net feiern zu könne, iss schon hart,

Trotz boostern, teste unn allerlei,

Des Corona iss leider noch net vorbei.

Doch mir Närrische Johanniter halte des aus,

mir sehne uns all nach Euerm Applaus.

Mer glaabe ganz fest an Gott Jokus, den Dolle,

dass feiern wieder möglich iss, weil mer feiern ja solle!

Denn aanes iss klar, des wär doch gelacht,

bald feiern mer widder gemeinsam Fassenacht!

Drum Närrinne unn Narre guckt mit uns nach vorne

unn guckt uns dann zu, wenn mer uff de Bühn´ wieder rumtorne,

dann hole mer alles Ausgefallene gleich doppelt nach,

des meine mer ehrlich, des iss gar kaa Frag.

E bissje Geduld nur noch, aach wenn´s schwerfällt,

es geht de Mensche wie de Leut ähnlich uff dieser Welt.

Mer sinn frohen Mutes unn wisse genau

mer werrn es schaffe, bleibt all gesund unn

HELAU

Ihne euer
Pit Krieger und Thomas Frenzel